Saqi Kawthar

Saqi Kawthar (Kiarabu: ساقي الكوثر) Katika Uislamu bali katika istilahi za upande wa madhehebu ya Shia, jina Saqi Kawthar ni jina maarufu la Ali bin Abi Talib. Jina hili linamaanisha kwamba yeye ni mnyweshaji atakaye wanywesha watu maji kutoka katika chemchemi ya Kawthar.

Saqi Kawthar ni mchanganyiko wa maneno mawili; Saqi na Kawthar. Saqi inamaanisha mnyweshaji au anayetoa kinywaji (pombe) na kuwapa wengine. [1] Hapo zamani neno, Saqi lilikuwa ni jina apewalo mtu mwenye kumimina maji kwenye kikombe na kumpa mtu mwingine. Neno Kawthar nalo lina maana ya neema nyingi au kheri nyingi. [2]

Baadhi ya wafasiri wamelifasiri neno Kawthar lililoka katika Aya ya kwanza ya Surat al- Kawthar kwa maana ya hodhi maalumu ambalo ametunukiwa bwana Mtume (s.a.w.w) na Mola wake, ambapo maji yake ni meupe zaidi kuliko maziwa, na ni matamu zaidi kuliko asali. [3] Kulingana na Riwaya za pande zote mbili Shia na Sunni, ni kwamba; Imam Ali (a.s) ndiye “Saqi” wa Hodhi hiyo Kawthar. [4] Muhyiddin Arabi katika tafsiri yake amelifasiri neno “Kawthar” kama ni mto wa Peponi ambao yeyote anayekunywa kutoka katika mto huo, kamwe hatapatwa na maishani mwake. [5] Katika mashairi pia, Imam Ali (a.s) ametajwa kuwa ndiye “Saqi Kawthar”. [6]