Ainu Al-Najas

Kutoka wikishia

Ainu Al-Najas (Kiarabu:عین النجس) au Dutu ya najisi; Ni kitu ambacho kiasili na kidhati ni najisi, na hakiwezi kusafika kwa mfumo wowote ule miongoni mwa mifumo ya utoharishaji wa Kiislamu. Kwa mujibu wa nadharia za mafaqihi wa Kishia, ikiwa kitu kichafu kitagusa kitu kilicho safi, huku kimojawapo kikawa na unyevunyevu, basi kitu kisafi hicho nacho pia kitanajisika. Kwa mujibu sheria za madhehebu ya Kishia, damu, mkojo, kinyesi, shahawa, nyamafu, mbwa, nguruwe, kafiri, Mvinyo na bia ni najisi.

Welewa wa Dhana

Kwa mujibu wa maoni ya mafaqihi mashuhuri, dhati ya najisi (عین النجس) ni uchafu asili, na kwa mujibu wa Uislamu, haiwezi kusafishwa wala kutakasika. [1]

Katika fiqhi ya Shia, kuna vitu kumi ambavyo ni najisi asili, ambavyo huitwa dhati ya najisi au najisi asilia (عین النجس), navyo ni: damu, mkojo, kinyesi, shahawa, nyamafu, mbwa, nguruwe, kafiri, mvinyo na bia. [2] Hata hivyo, Sayyid Murtadha, mmoja wapo wa Mafaqihi wakubwa wa Kishia wa karne ya tano ya Hijiria, anaamini ya kwamba sehemu zisizo na uhai za mbwa na nguruwe ni safi, na sababu usafi wake ni kwa sehemu hizo hazina uhai na zina manufaa fulani. [3] Baadhi ya mafaqihi wategemewa kifatwa, wametowa fatwa ya unajisi wa jasho la ngamia aliyekula najisi. [4]

Hukumu

Katika fiqhi ya Shia, kuna hukumu maalumu zinazojadili masuala ya najisi; Kati yake ni kama ifuatavyo:

  • Najisi asilia ikigusa kitu kilicho safi, kitu hicho safi pia nacho kinakuwa ni najisi, [5] na kitu hicho hitwa Mutanajis (مُتَنَجِّس) (kitu kililichonajisika). Bila shaka, uambukizaji wa najisi hutimia iwapo moja ya vitu viwili hivyo, kiwe na unyevunyevu, au pia iwapo vyote viwili (najisi asilia na kilicho safi) vitakuwa na hali unyevunyevu. [6] Imenasibishwa kwa Faidh Kashani ya kwamba; baada ya kuondoa najisi asilia kutoka kwenye kitu kilichonajisika (bila kutumia maji, bali hata kupangusa kwa kutumia tishu ), kitu hicho hakituwa na uwezo tena wa najisi kwenye vitu vingine vyenye unyevu. [7]
  • Ni haramu kubeba najisi asilia msikitini ikiwa kitendo hicho kitapelekea kuvunjia heshima msikiti. [8]
  • Ni haramu kula najisi asilia.[9]
  • Iwapo maji yatakutana na najisi asilia, yakabadilika harufu yake, rangi au ladha yake, hata yakiwa na kiwango cha kurru au yanatiririka, maji hayo yatakuwa ni najisi. [10]
  • Ni wajibu kuondoa na kusafisha najisi asilia kutoka katika viungo vyote vya udhu na viungo vyote vinavyokoshwa katika josho la wajibu, kama vile janaba. [11] Katika udhu, inawezekana kuondolewa najisi asilia kabla ya udhu, au wakati wa kuosha au kupangusa viungo vya udhu. [12] Lakini katika josho, ni lazima iondolewe kabla ya josho hilo. [13]
  • Ikiwa mwili au nguo imechafuliwa na damu ambayo ni najisi asilia, ambayo itakuwa ni chini ya ukubwa wa dirham (ukubwa wa kifundo cha kidole cha shahada), hakutakuwa na tatizo kusali na kiwango hicho cha damu. [14]

Masuala Yanayo Fungamana

Rejea

  1. ↑ Ghadiri, al-Qamos al-Jamae kwa sheria za kisheria, 1418 AH, uk.576, Mughniyeh, Fiqh al-Imam al-Sadiq, 1414 AH, juzuu ya 1, uk. 41.
  2. ↑ Bani Hashemi Khomeini, Mkataba wa Ufafanuzi wa Masuala, 1385, juzuu ya 1, uk.64.
  3. ↑ Sayed Morteza, al-Masal al-Nasiriyat, 1417 AH, uk. 100.
  4. ↑ Bani Hashemi Khomeini, Mkataba wa Ufafanuzi wa Masuala, 1385, juzuu ya 1, uk.64.
  5. ↑ Tabatabaei Hakim, Mustamsk al-Arwa al-Waghti, 1384 A.H., juzuu ya 1, uk.479; Mousavi Khalkhali, Fiqh al-Shia, juzuu ya 3, uk.354.
  6. ↑ Bani Hashemi Khomeini, Ufafanuzi wa Al-Masal al-Marjah, 2005, uk. Najafi, Jawaharlal Kalam, 1362, juzuu ya 6, uk.202.
  7. ↑ Al-Tabatabaei Al-Hakim, Mustamsk Al-Arwa Al-Waghti, 1384 A.H., Juz.1, uk.479; Mousavi Khalkhali, Fiqh al-Shia, juzuu ya 3, uk.354.
  8. ↑ Najafi, Jawaharlal Kalam, 1362, juzuu ya 14, uk.97.
  9. ↑ Bani Hashemi Khomeini, Taqf al-Masal al-Marjah, 1385, uk. 91.
  10. ↑ Bahrani, al-Hadaeq al-Nadrah, juzuu ya 1, uk. 197 na 202.
  11. ↑ Najafi, Javaher Al-Kalam, 1362, juzuu ya 3, uk.101; Tabatabaei Yazdi, Al-Arwa Al-Waghti, Al-Maktabeh Al-Ilamiya al-Islami, Juz. 1, uk. 169.
  12. ↑ Tabatabaei Yazdi, Al-Arwa Al-Waghqi, Al-Maktab Al-Ilamiya al-Islami, juzuu ya 1, uk.169.
  13. ↑ Najafi, Jawaharlal Kalam, 1362, juzuu ya 3, uk.101-102.
  14. ↑ Shahid Sani, Al-Ruda Al-Bahiya, 1410 AH, juzuu ya 1, uk.289.

Vyanzo

  • Bani Hashemi Khomeini, Mohammad Hasan, Ufafanuzi wa Mambo ya Marejeo: Kwa mujibu wa Fatwa za Marejeo Kumi na Tatu Mashuhuri zaidi, Qom, Ofisi ya Machapisho ya Kiislamu (Chuo cha Walimu wa Seminari ya Qom), 1385.
  • Seyyed Morteza, Ali bin Hossein, Al-Masail al-Nasiriyat, Tehran, uhusiano wa utamaduni na mahusiano ya Kiislamu, chapa ya kwanza, 1417 AH.
  • Shahidi Thani, Zain al-Din bin Nur al-Din Ali, al-Rawda' al-Bahiya fi Sharh al-Luma'a al-Mashqiyya, Qom, Shule ya al-Dawari, 1410 AH.
  • Al-Tabatabaei Elizdi, Seyed Mohammad Kazem, Al-Arwa Al-Waghhi, Shule ya Ayatollah Azami Al-Sayed Al-Sistani, Beta.
  • Tabatabai Al-Hakim, Seyyed Mohsen, Mustamsk Al-Arwa Al-Waghti, Beirut, Dar Ihya Al-Trath Al-Arabi, 1384 AH.
  • Ghadiri, Abdullah Isa Ibrahim, al-Qamos al-Jamae kwa fiqhi ya kisheria, Beirut, Dar al-Hijjah al-Bayda, 1418 AH.
  • Mughniyeh, Mohammad Javad, Fiqh al-Imam al-Sadiq, Qom, Taasisi ya Ansarian, 1414 AH.
  • Najafi, Mohammad Hassan, Javaher Al-Kalam, Beirut, Dar Ihya Al-Trath Al-Arabi, toleo la 7, 1362.
Rudishwa kutoka "https://sw.wikishia.net/w/index.php?title=Ainu_Al-Najas&oldid=16086"