Sura za Qur’ani : Tofauti kati ya masahihisho

Watafiti wengi wanaamini kuwa idadi ya Sura za Qur’ani ni 114. [35] Hata hivyo, baadhi ya waandishi bila kupunguza idadi ya Aya za Qurani, wanaamini kuwa idadi ya Sura za Qurani ni 112, na wanauhisabu mtazamo huu kuwa ndio mtazamo maarufu wa Shia. [36] Kwa mtazamo wao, ni kwamba; Suratu al-Fil na Quraysh ni Sura moja, pia suratu al-Duha na Inshirah kiasilia zilikuwa ni Sura moja, na siyo sura mbili tofauti. [37] Nadharia hii imetokana na juhudi za kuchanganya aina mbili za kanganyifu za Riwaya. [38] Kwa mujibu wa baadhi ya riwaya, mwenye kusali ni lazima asome Sura moja tu ya Qurani baada ya kumaliza kusoma Suratu al-Hamd. [39] Ila kwa mujibu wa kundi jingine la Hadithi, ni kwamba; ikiwa mwenye kusali atasoma Suratu a-Fil baada ya kumaliza kusoma Suratu al-Hamd, basi ni lazima asome pia Suratu Quraish, au kama baada ya Suratu al-Hamd ataamua kusoma Suratu  al-Duha, basi ni lazima aunganishe na Suratu a-l Inshirah. [40] Baadhi ya watafiti wamekataa nadharia hii na wamependekeza njia nyingine ya kutatua riwaya hizi mbili kanganyifu. Kwa mujibu wao, ingawa katika sala ni lazima mtu kusoma Sura moja tu baada ya kumaliza Suratu Al-Fatiha, ila huku hii imeondolewa juu ya suratu al-Fil na Quraish, pamoja na Suratu al-Duha na Inshirah. [41] Baadhi ya wafasiri wa Shia na Sunni pia wanaamini kuwa Suratu a-lAnfal na Tawba ni Sura moja, na bila kupunguza idadi ya Aya za Qurani, wanazihisabu idadi ya Sura za Qurani kuwa ni 113. [42]

Katika baadhi ya Hadithi za Sunni, tofauti na khitilafu za kuhesabu idadi ya Sura za Qurani zimepelekea kupunguza au kuongeza Aya katika Qurani. [43] Kwa mujibu wa alivyosema Suyuti, mwandishi wa kitabu cha Al-Itqan, ni kwamba; Mus'haf wa Abdullah bin Masud ulikuwa na sura 112, kwa sababu yeye aliiona kuwa Mu'awadhataini (Suratu Al-Falaq na An-Nasi) kama  ni dua tu, na si sehemu ya Qurani. [44] Pia, Suyuti anasema kuwa; Mus'haf wa Ubayya bin Ka'ab ulikuwa na sura 116, kwa sababu Ubayya bin Ka'ab alikuwa ameongeza Sura mbili ambazo zinaitwa Khal-‘u na Hafdu kwenye Qurani. [45] Baadhi ya wanazuoni wa Mashariki pia wameongeza idadi ya Sura za Qurani na kuzihesabu kuwa 116, jambo ambalo limetimia kwa njia ya kuzigawa nusu kwa nusu Suratu al-Alaq na Muddathir, na kuzifanya kila moja kuwa ni Sura mbili tofauti. [46]